ārādhanā paritta
Requesting the Protections
vipatti-pati-bāhāya sabba-sampatti-siddhiyā │sabba-dukkha-vināsāya parittaṃ brūtha-maṅgalaṃ │ vipatti-pati-bāhāya sabba-sampatti-siddhiyā │sabba-bhaya-vināsāya parittaṃ brūtha-maṅgalaṃ │ vipatti-pati-bāhāya sabba-sampatti-siddhiyā │
sabba-roga-vināsāya parittaṃ brūtha-maṅgalaṃ │
Dhammassavanadevata-bhisammantanapatha
Passages for inviting devas to listen to the Dhamma
sarajjam sasenam sabandhum narindam
parittanubhavo sada rakkhatuti pharitvana
mettam sametta bhadanta avikkhittacitta parittam bhanantu.
Sagge kāme ca rūpe Giri-sikharataṭe c'antalikkhe vimāne Dīpe raṭṭhe ca gāme Taruvana-gahane geha-vatthumhi khette Bhummā cāyantu devā
Jala-thala-visame yakkha-gandhabba-nāgā
Tiṭṭhantā santike yaṃ Muni-vara-vacanaṃ sādhavo me suṇantu
Dhammassavana-kālo ayam-bhadantā.
Dhammassavana-kālo ayam-bhadantā.
Dhammassavana-kālo ayam-bhadantā.
Pubbabhaganamakarapatha
The preliminary passage for revering
namo tassa bhagavato arahato sammāsaṃbuddhassa (3 x)│
Saranagamanapatha
Passage on going for refuge
buddhaṃ saraṇaṃ gacchāmi│
dhammaṃ saraṇaṃ gacchāmi│
saṅghaṃ saraṇaṃ gacchāmi│
dutiyaṃpi buddhaṃ saraṇaṃ gacchāmi │
dutiyaṃpi dhammaṃ saraṇaṃ gacchāmi│
dutiyaṃpi saṅghaṃ saraṇaṃ gacchāmi│
tatiyaṃpi buddhaṃ saraṇaṃ gacchāmi│
tatiyaṃpi dhammaṃ saraṇaṃ gacchāmi│
tatiyaṃpi saṅghaṃ saraṇaṃ gacchāmi│
Sambuddhe Atthavisancadigatha
Verses on Homage to the twenty-eight Sambuddhas
Sambuddhe aṭṭhavīsañca
Dvādasañca sahassake
Pañca-sata-sahassāni
Namāmi sirasā ahaṃ.
Tesaṃ dhammañca saṅghañca
Ādarena namāmi'haṃ.
Namakārānubhāvena
Hantvā sabbe upaddave
Anekā antarāyāpi
Vinassantu asesato.
Sambuddhe pañca-paññāsañca
Catuvīsati sahassake
Dasa-sata-sahassāni
Namāmi sirasā ahaṃ.
Tesaṃ dhammañca saṅghañca
Ādarena namāmi'haṃ.
Namakārānubhāvena
Hantvā sabbe upaddave
Anekā antarāyāpi
Vinassantu asesato.
Sambuddhe navuttarasate
Aṭṭhacattāḷīsa sahassake
Vīsati-sata-sahassāni
Namāmi sirasā ahaṃ.
Tesaṃ dhammañca saṅghañca
Ādarena namāmi'haṃ.
Namakārānubhāvena
Hantvā sabbe upaddave
Anekā antarāyāpi
Vinassantu, asesato.
Namo-kāra-aṭṭhakagatha
Verses on Eight Times Making the ‘Namo’
Namo arahato sammā-
Sambuddhassa mahesino
Namo uttama-dhammassa
Svākkhātasseva tenidha
Namo mahā-saṅghassāpi
Visuddha-sīla-diṭṭhino
Namo omātyāraddhassa
Ratanattayassa sādhukaṃ
Namo omakātītassa
Tassa vatthuttayassapi
Namo-kārappabhāvena
Vigacchantu upaddavā
Namo-kārānubhāvena
Suvatthi hotu sabbadā
Namo-kārassa tejena
Vidhimhi homi, tejavā.
Maṅgala Suttaṃ
The Discourses on Blessings
Asevanā ca bālānaṃ
paṇḍitānañca sevanā
Pūjā ca pūjanīyānaṃ
etam-maṅgalam-uttamaṃ.
Paṭirūpa-desa-vāso ca
pubbe ca kata-puññatā
Atta-sammā-paṇidhi ca
etam-maṅgalam-uttamaṃ.
Bāhu-saccañca sippañca
vinayo ca susikkhito
Subhāsitā ca yā vācā
etam-maṅgalam-uttamaṃ.
Mātā-pitu-upaṭṭhānaṃ
putta-dārassa saṅgaho
Anākulā ca kammantā
etam-maṅgalam-uttamaṃ.
Dānañca dhamma-cariyā ca
ñātakānañca saṅgaho
Anavajjāni kammāni
etam-maṅgalam-uttamaṃ.
Āratī viratī pāpā
majja-pānā ca saññamo
Appamādo ca dhammesu
etam-maṅgalam-uttamaṃ.
Gāravo ca nivāto ca
santuṭṭhī ca kataññutā
Kālena dhammassavanaṃ
etam-maṅgalam-uttamaṃ.
Khantī ca sovacassatā
samaṇānañca dassanaṃ
Kālena dhamma-sākacchā
etam-maṅgalam-uttamaṃ.
Tapo ca brahma-cariyañca
ariya-saccāna-dassanaṃ
Nibbāna-sacchi-kiriyā ca
etam-maṅgalam-uttamaṃ.
Phuṭṭhassa loka-dhammehi
cittaṃ yassa na kampati
Asokaṃ virajaṃ khemaṃ
etam-maṅgalam-uttamaṃ.
Etādisāni katvāna
sabbattham-aparājitā
Sabbattha sotthiṃ gacchanti
tan-tesaṃ maṅgalam-uttamanti."
Ratana Sutta
The discourses on Precious Jewels
Yaṅkiñci vittaṃ idha vā huraṃ vā
Saggesu vā yaṃ ratanaṃ paṇītaṃ
Na no samaṃ atthi tathāgatena.
Idam-pi buddhe ratanaṃ paṇītaṃ
Etena saccena suvatthi hotu.
Khayaṃ virāgaṃ amataṃ paṇītaṃ
Yad-ajjhagā sakyamunī samāhito
Na tena dhammena sam'atthi kiñci.
Idam-pi dhamme ratanaṃ paṇītaṃ
Etena saccena suvatthi hotu.
Yam-buddha-seṭṭho parivaṇṇayī suciṃ
Samādhim-ānantarik'aññam-āhu
Samādhinā tena samo na vijjati.
Idam-pi dhamme ratanaṃ paṇītaṃ
Etena saccena suvatthi hotu.
Ye puggalā aṭṭha sataṃ pasatthā
Cattāri etāni yugāni honti
Te dakkhiṇeyyā sugatassa sāvakā
Etesu dinnāni mahapphalāni.
Idam-pi saṅghe ratanaṃ paṇītaṃ
Etena saccena suvatthi hotu.
Ye suppayuttā manasā daḷhena
Nikkāmino gotama-sāsanamhi
Te pattipattā amataṃ vigayha
Laddhā mudhā nibbutiṃ bhuñjamānā.
Idam-pi saṅghe ratanaṃ paṇītaṃ
Etena saccena suvatthi hotu.
Khīṇaṃ purāṇaṃ navaṃ n'atthi sambhavaṃ
Viratta-cittāyatike bhavasmiṃ
Te khīṇa-bījā aviruḷhi-chandā
Nibbanti dhīrā yathā'yam-padīpo.
Idam-pi saṅghe ratanaṃ paṇītaṃ
Etena saccena suvatthi hotu.
Karaṇīya Mettā Sutta
The Discourse on Loving-kindness
Karaṇīyam-attha-kusalena
yantaṃ santaṃ padaṃ abhisamecca,
Sakko ujū ca suhujū ca
suvaco cassa mudu anatimānī,
Santussako ca subharo ca
appakicco ca sallahuka-vutti,
Santindriyo ca nipako ca
appagabbho kulesu ananugiddho.
Na ca khuddaṃ samācare kiñci
yena viññū pare upavadeyyuṃ.
Sukhino vā khemino hontu
sabbe sattā bhavantu sukhitattā.
Ye keci pāṇa-bhūtatthi
tasā vā thāvarā vā anavasesā,
Dīghā vā ye mahantā vā
majjhimā rassakā aṇuka-thūlā,
Diṭṭhā vā ye ca adiṭṭhā
ye ca dūre vasanti avidūre,
Bhūtā vā sambhavesī vā
sabbe sattā bhavantu sukhitattā.
Na paro paraṃ nikubbetha
nātimaññetha katthaci naṃ kiñci,
Byārosanā paṭīgha-saññā
nāññam-aññassa dukkham-iccheyya.
Mātā yathā niyaṃ puttaṃ
āyusā eka-puttam-anurakkhe,
Evam-pi sabba-bhūtesu
māna-sambhāvaye aparimāṇaṃ.
Mettañca sabba-lokasmiṃ
māna-sambhāvaye aparimāṇaṃ,
Uddhaṃ adho ca tiriyañca
asambādhaṃ averaṃ asapattaṃ.
Tiṭṭhañ'caraṃ nisinno vā
sayāno vā yāvatassa vigatam-iddho,
Etaṃ satiṃ adhiṭṭheyya
brahmam-etaṃ vihāraṃ idham-āhu.
Diṭṭhiñca anupagamma
sīlavā dassanena sampanno,
Kāmesu vineyya gedhaṃ,
Na hi jātu gabbha-seyyaṃ punaretīti.
Mora Paritta
The Peacock's Protection
Udetayañcakkhumā eka-rājā
Harissa-vaṇṇo paṭhavippabhāso
Taṃ taṃ namassāmi harissa-vaṇṇaṃ paṭhavippabhāsaṃ
Tayajja guttā viharemu divasaṃ.
Ye brāhmaṇā vedagu sabba-dhamme
Te me namo te ca maṃ pālayantu.
Namatthu buddhānaṃ namatthu bodhiyā.
Namo vimuttānaṃ namo vimuttiyā.
Imaṃ so parittaṃ katvā
Moro carati esanā.
Apetayañcakkhumā eka-rājā
Harissa-vaṇṇo paṭhavippabhāso
Taṃ taṃ namassāmi harissa-vaṇṇaṃ paṭhavippabhāsaṃ
Tayajja guttā viharemu rattiṃ
Ye brāhmaṇā vedagu sabba-dhamme
Te me namo te ca maṃ pālayantu.
Namatthu buddhānaṃ namatthu bodhiyā
Namo vimuttānaṃ namo vimuttiyā
Imaṃ so parittaṃ katvā
Moro vāsamakappayīti.
Vaṭṭaka Paritta
The Baby Quail's Protection
Atthi loke sīla-guṇo
Saccaṃ soceyy'anuddayā
Tena saccena kāhāmi
Sacca-kiriyam-anuttaraṃ
Āvajjitvā dhamma-balaṃ
Saritvā pubbake jine
Sacca-balam-avassāya
Sacca-kiriyam-akāsa'haṃ
Santi pakkhā apattanā
Santi pādā avañcanā
Mātā pitā ca nikkhantā
Jāta-veda paṭikkama
Saha sacce kate mayhaṃ
Mahāpajjalito sikhī
Vajjesi soḷasa karīsāni
Udakaṃ patvā yathā sikhī
Saccena me samo n'atthi
Esā me sacca-pāramīti.
Āṭānāṭiya Paritta
Homage to the Seven Past Buddhas
Vipassissa namatthu
Cakkhumantassa sirīmato
Sikhissa pi namatthu
Sabba-bhūtānukampino
Vessabhussa namatthu
Nhātakassa tapassino
Namatthu Kakusandhassa
Māra-senappamaddino
Konāgamanassa namatthu
Brāhmaṇassa vusīmato
Kassapassa namatthu
Vippamuttassa sabbadhi
Aṅgīrasassa namatthu
Sakya-puttassa sirīmato
Yo imaṃ dhammam-adesesi
Sabba-dukkhāpanūdanaṃ.
Ye cāpi nibbutā loke
Yathābhūtaṃ vipassisuṃ
Te janā apisuṇā
Mahantā vītasāradā
Hitaṃ deva-manussānaṃ
Yaṃ namassanti Gotamaṃ
Vijjā-caraṇa-sampannaṃ
Mahantaṃ vītasāradaṃ
Vijjā-caraṇa-sampannaṃ
Buddhaṃ vandāma Gotamanti
Natthi me saranam aññam
Buddho me saranam varam
Etena sacca vajjena
Hotu te jaya mangalam
Natthi me saranam aññam
Dhammo me saranam varam
Etena sacca vajjena
Hotu te jaya mangalam
Natthi me saranam aññam
Sangho me saranam varam
Etena sacca vajjena
Hotu te jaya mangalam
Yam kinci ratanam loke
Vijjati vividhā puthu
Ratanam Buddha samam natthi
Tasmā sotthi bhavantu te
Yam kinci ratanam loke
Vijjati vividhā puthu
Ratanam Dhamma samam natthi
Tasmā sotthi bhavantu te
Yam kinci ratanam loke
Vijjati vividhā puthu
Ratanam Sangha samam natthi
Tasmā sotthi bhavantu te
Sakkatvā Buddha ratanam
osadham uttamam varam
Hitam deva manussānam
Buddha tejena sotthinā,
Nassantu’paddavā sabbe
dukkhā vūpa samentu te
Sakkatvā Dhamma ratanam
osadham uttamam varam
Parilāhu pasamanam
Dhamma tejena sotthinā,
Nassantu’paddavā sabbe
bhayā vūpa samentu te
Sakkatva Sangha ratanam
osadham uttamam varam
Ahuneyyam pāhuneyyam
Sangha tejena sotthinā,
Nassantu’paddavā sabbe
rogā vūpa samentu te |