Aṅgulimāla Paritta
Angulimala's Protection
Yato'haṃ bhagini ariyāya jātiyā jāto,
Nābhijānāmi sañcicca pāṇaṃ jīvitā voropetā, Tena saccena sotthi te hotu sotthi gabbhassa.
Bojjhaṅga Paritta
The Factor-of-Awakening Protection
Bojjhaṅgo sati-saṅkhāto
Dhammānaṃ vicayo tathā
Viriyam-pīti-passaddhi-
Bojjhaṅgā ca tathāpare
Samādh'upekkha-bojjhaṅgā
Satt'ete sabba-dassinā
Muninā sammadakkhātā
Bhāvitā bahulīkatā
Saṃvattanti abhiññāya
Nibbānāya ca bodhiyā
Etena sacca-vajjena
Sotthi te hotu sabbadā.
Ekasmiṃ samaye nātho
Moggallānañca Kassapaṃ
Gilāne dukkhite disvā
Bojjhaṅge satta desayi
Te ca taṃ abhinanditvā
Rogā mucciṃsu taṃkhaṇe
Etena sacca-vajjena
Sotthi te hotu sabbadā.
Ekadā dhamma-rājā pi
Gelaññenābhipīḷito
Cundattherena taññeva
Bhaṇāpetvāna sādaraṃ
Sammoditvā ca ābādhā
Tamhā vuṭṭhāsi ṭhānaso
Etena sacca-vajjena
Sotthi te hotu sabbadā.
Pahīnā te ca ābādhā
Tiṇṇannam-pi mahesinaṃ
Maggāhata-kilesā va
Pattānuppattidhammataṃ
Etena sacca-vajjena
Sotthi te hotu sabbadā.
Tiratananusaranapatha
Passages on the recollection of the Three Treasures
Itipiso bhagavā arahaṃ sammā-sambuddho vijjā-caraṇa-sampanno sugato lokavidū anuttaro purisa-damma-sārathi satthā deva-manussānaṃ buddho bhagavā ti. svākkhāto bhagavatā dhammo sandiṭṭhiko akāliko ehipassiko opanayiko paccattaṃ veditabbo viññūhīti│
supaṭipanno bhagavato sāvakasaṅgho│ujupaṭipanno bhagavato sāvakasaṅgho│ñāyapaṭipanno bhagavato sāvakasaṅgho│sāmīcipaṭipanno bhagavato sāvakasaṅgho│yadidaṃ cattāri purisayugāni aṭṭha purisapuggalā esa bhagavato sāvakasaṅgho│āhuneyyo pāhuneyyo dakkhiṇeyyo añjalīkaraṇīyo anuttaraṃ puññakkhettaṃ lokassāti│
Jaya-maṅgala Gāthā
The Verses of the Buddha's Auspicious Victories
Bāhuṃ sahassam-abhinimmita-sāvudhantaṃ
Grīmekhalaṃ udita-ghora-sasena-māraṃ
Dānādi-dhamma-vidhinā jitavā munindo
Tan-tejasā bhavatu te jaya-maṅgalāni
Mārātirekam-abhiyujjhita-sabba-rattiṃ
Ghorampan'āḷavaka-makkham-athaddha-yakkhaṃ
Khantī-sudanta-vidhinā jitavā munindo
Tan-tejasā bhavatu te jaya-maṅgalāni.
Nāḷāgiriṃ gaja-varaṃ atimattabhūtaṃ
Dāvaggi-cakkam-asanīva sudāruṇantaṃ
Mett'ambuseka-vidhinā jitavā munindo
Tan-tejasā bhavatu te jaya-maṅgalāni.
Ukkhitta-khaggam-atihattha sudāruṇantaṃ
Dhāvan-ti-yojana-path'aṅguli-mālavantaṃ
Iddhībhisaṅkhata-mano jitavā munindo
Tan-tejasā bhavatu te jaya-maṅgalāni.
Katvāna kaṭṭham-udaraṃ iva gabbhinīyā
Ciñcāya duṭṭha-vacanaṃ jana-kāya-majjhe
Santena soma-vidhinā jitavā munindo
Tan-tejasā bhavatu te jaya-maṅgalāni.
Saccaṃ vihāya mati-saccaka-vāda-ketuṃ
Vādābhiropita-manaṃ ati-andhabhūtaṃ
Paññā-padīpa-jalito jitavā munindo
Tan-tejasā bhavatu te jaya-maṅgalāni.
Nandopananda-bhujagaṃ vibudhaṃ mahiddhiṃ
Puttena thera-bhujagena damāpayanto
Iddhūpadesa-vidhinā jitavā munindo
Tan-tejasā bhavatu te jaya-maṅgalāni.
Duggāha-diṭṭhi-bhujagena sudaṭṭha-hatthaṃ
Brahmaṃ visuddhi-jutim-iddhi-bakābhidhānaṃ
Ñāṇāgadena vidhinā jitavā munindo
Tan-tejasā bhavatu te jaya-maṅgalāni.
Etāpi buddha-jaya-maṅgala-aṭṭha-gāthā
Yo vācano dinadine sarate matandī
Hitvān'aneka-vividhāni c'upaddavāni
Mokkhaṃ sukhaṃ adhigameyya naro sapañño.
Jayaparittam
The Victory Protection
Mahā-kāruṇiko nātho
Hitāya sabba-pāṇinaṃ
Pūretvā pāramī sabbā
Patto sambodhim-uttamaṃ
Etena sacca-vajjena
Hotu te jaya-maṅgalaṃ
Jayanto bodhiyā mūle
Sakyānaṃ nandi-vaḍḍhano
Evaṃ tvam vijayo hohi
Jayassu jaya-maṅgale
Aparājita-pallaṅke
Sīse paṭhavi-pokkhare
Abhiseke sabba-buddhānaṃ
Aggappatto pamodati
Sunakkhattaṃ sumaṅgalaṃ
Supabhātaṃ suhuṭṭhitaṃ
Sukhaṇo sumuhutto ca
Suyiṭṭhaṃ brahmacārisu
Padakkhiṇaṃ kāya-kammaṃ
Vācā-kammaṃ padakkhiṇaṃ
Padakkhiṇaṃ mano-kammaṃ
Paṇidhī te padakkhiṇā
Padakkhiṇāni katvāna
Labhantatthe, padakkhiṇe
Abhaya Gāthā
The Danger-free Protection
Yan-dunnimittaṃ avamaṅgalañca
Yo cāmanāpo sakuṇassa saddo
Pāpaggaho dussupinaṃ akantaṃ
Buddhānubhāvena vināsamentu
Yan-dunnimittaṃ avamaṅgalañca
Yo cāmanāpo sakuṇassa saddo
Pāpaggaho dussupinaṃ akantaṃ
Dhammānubhāvena vināsamentu
Yan-dunnimittaṃ avamaṅgalañca
Yo cāmanāpo sakuṇassa saddo
Pāpaggaho dussupinaṃ akantaṃ
Saṅghānubhāvena vināsamentu
Devata uyyojanagatha
Verses on sending off the devata
Dukkhappattā ca niddukkhā
Bhayappattā ca nibbhayā
Sokappattā ca nissokā
Hontu sabbe pi pāṇino.
Ettāvatā ca amhehi
Sambhataṃ puñña-sampadaṃ
Sabbe devānumodantu
Sabba-sampatti-siddhiyā.
Dānaṃ dadantu saddhāya
Sīlaṃ rakkhantu sabbadā
Bhāvanābhiratā hontu
Gacchantu devatāgatā.
Sabbe buddhā balappattā
Paccekānañca yaṃ balaṃ
Arahantānañca tejena
Rakkhaṃ bandhāmi sabbaso.
Mahā-maṅgala-cakkavāḷa
The Great Universe of Blessings
Siri-dhiti-mati-tejo-jayasiddhi-mahiddhi-
mahāguṇāparimita-puññādhikārassa
sabbantarāya-nivāraṇa-samatthassa
bhagavato arahato sammā-sambuddhassa
dvattiṃsa-mahāpurisa-lakkhaṇ'ānubhāvena
asītyānubyañjan'ānubhāvena
aṭṭh'uttara-sata-maṅgal'ānubhāvena
chabbaṇṇa-raṃsiy'ānubhāvena ketumāl'ānubhāvena
dasa-pāramitānubhāvena
dasa-upapāramit'ānubhāvena
dasa-paramattha-pāramit'ānubhāvena
sīla-samādhi-paññ'ānubhāvena
buddh'ānubhāvena dhamm'ānubhāvena saṅgh'ānubhāvena
tej'ānubhāvena iddh'ānubhāvena bal'ānubhāvena
ñeyya-dhamm'ānubhāvena
caturāsīti-sahassa-dhammakkhandh'ānubhāvena
nava-lokuttara-dhamm'ānubhāvena
aṭṭhaṅgika-magg'ānubhāvena
aṭṭha-samāpattiy'ānubhāvena
chaḷabhiññ'ānubhāvena catu-sacca-ñāṇ'ānubhāvena
dasa-bala-ñāṇ'ānubhāvena
sabbaññuta-ñāṇ'ānubhāvena
mettā-karuṇā-muditā-upekkh'ānubhāvena
sabba-paritt'ānubhāvena
ratanattaya-saraṇ'ānubhāvena
tuyhaṃ sabba-roga-sok'upaddava-dukkha-domanass-upāyāsā vinassantu
sabba-antarāyāpi vinassantu
sabba-saṅkappā tuyhaṃ samijjhantu
dīghayutā tuyhaṃ hotu sata-vassa-jīvena
samaṅgiko hotu sabbadā.
Ākāsa-pabbata-vana-bhūmi-gaṅgā-mahāsamuddā
ārakkhakā devatā sadā tumhe,
anurakkhantu.
Sumangalagatha
Verses of excellent blessings
Bhavatu sabba-maṅgalaṃ
Rakkhantu sabba-devatā
Sabba-buddhānubhāvena
Sadā sotthī bhavantu te.
Bhavatu sabba-maṅgalaṃ
Rakkhantu sabba-devatā
Sabba-dhammānubhāvena
Sadā sotthī bhavantu te.
Bhavatu sabba-maṅgalaṃ
Rakkhantu sabba-devatā
Sabba-saṅghānubhāvena
Sadā sotthī bhavantu te.
Nakkhatta yakkha bhūtānam,
Papaggaha nivāranā,
Parittassā nubhāvena
Hantva tesam upaddave
Nakkhatta yakkha bhūtānam,
Papaggaha nivāranā,
Parittassā nubhāvena
Hantva tesam upaddave
Nakkhatta yakkha bhūtānam,
Papaggaha nivāranā,
Parittassā nubhāvena
Hantva tesam upaddave
Anumodanavidhi
A way of rejoicing
Yathā vārivahā pūrā Paripūrenti sāgaraṃ
Evameva ito dinnaṃ Petānaṃ upakappati
Icchitaṃ patthitaṃ tumhaṃ Khippameva samijjhatu
Sabbe pūrentu saṅkappā Cando paṇṇaraso yathā
Maṇi jotiraso yathā.
Sabbītiyo vivajjantu Sabba-rogo vinassatu
Mā te bhavatvantarāyo Sukhī dīghāyuko bhava
Abhivādana-sīlissa Niccaṃ vuḍḍhāpacāyino
Cattāro dhammā vaḍḍhanti Āyu vaṇṇo sukhaṃ, balaṃ.
Cullamangalacakkavala
The lesser sphere of Blessings
Sabba-buddhānubhāvena sabba-dhammānubhāvena sabba-saṅghānubhāvena buddha-ratanaṃ dhamma-ratanaṃ saṅgha-ratanaṃ tiṇṇaṃ ratanānaṃ ānubhāvena caturāsītisahassa-dhammakkhandhānubhāvena piṭakatyānubhāvena jinasāvakānubhāvena:
Sabbe te rogā sabbe te bhayā sabbe te antarāyā sabbe te upaddavā sabbe te dunnimittā sabbe te avamaṅgalā vinassantu.
Āyu-vaḍḍhako dhana-vaḍḍhako siri-vaḍḍhako yasa-vaḍḍhako bala-vaḍḍhako vaṇṇa-vaḍḍhako sukha-vaḍḍhako hotu sabbadā.
Dukkha-roga-bhayā verā Sokā sattu c'upaddavā
Anekā antarāyāpi Vinassantu ca tejasā
Jaya-siddhi dhanaṃ lābhaṃ Sotthi bhāgyaṃ sukhaṃ balaṃ
Siri āyu ca vaṇṇo ca Bhogaṃ vuḍḍhī ca yasavā
Sata-vassā ca āyū ca Jīva-siddhī bhavantu te.
Bhavatu sabba-maṅgalaṃ Rakkhantu sabba-devatā
Sabba-buddhānubhāvena Sadā sotthī bhavantu te
Bhavatu sabba-maṅgalaṃ Rakkhantu sabba-devatā
Sabba-dhammānubhāvena Sadā sotthī bhavantu te.
Bhavatu sabba-maṅgalaṃ Rakkhantu sabba-devatā
Sabba-saṅghānubhāvena Sadā sotthī bhavantu te |